Adis Muratović osuđen je juče, pred Višim sudom u Bijelom Polju, na 20 godina zatvora zbog ubistva Anesa Kalača u Rožajama.
Kalač je ranjen 2014. godine na benzinskoj pumpi „Eko petrol“.
Ranijom ukinutom presudom, Muratović je u odsustvu takođe osuđen na 20 godina zatvora.
Anes, Elmin, Jasmin i Mirsad Muratović osuđeni su na po godinu i osam mjeseci zatvora zbog pomaganja u izvršenju tog krivičnog djela, a Elvis Muratović na pet mjeseci.
Prema optužnici, Adis Muratović je 27. jula 2014. godine ispalio više hitaca iz automatske puške, od kojih je jedan pogodio Kalača i nanio mu teške tjelesne povrede opasne po život. Kalač je nakon tri dana preminuo u Kliničkom centru.
